Genesis 8
Evus, Ahi san eang tai muhuh ka sakin oai mul memes. Muhuh, muhuh va vio ... mulin sua tai, ka out memes esuk.15Evus, Ahi viteni min Noah vit, 16“Keik hetal min ahin onom ka titam keitel hetal min ahin one keil, mihemea ran mari sip ekek. 17Aman keil ka tirendan vasi keil, kilokovein keil vasi isisital. Keil ihaha ika vasi out, ka ihasi titae keil ihi houlu mok.” 18Sakini, Noah keilu ahin onen, titan keil ral min ahin one keil asital. 19Tirendan vasi keil ka aman vasi keil asisital ran mari sip enek, ka keil uva ral min one keil.
20Evus, Noah mumon avet tai ten sanien min Iahova, ka kur retai en tirendan keil ka aman keil koa amuto en meten Ahi. Evus, muas keil, munit keil, ka ahang kan vasin ave keke vatie lat masmasien one mini. 21Ka navong vite ten sanien enek vina nesa, Iahova musi tahos ka si veni. Sakini vit sasen eni vit, “Nirsantei mun mahien en out netan ven sakien tisa onen meatin keil. Ven nakilea keke navong keil avi ehon rokol avong umat, evati avousil sakien keil ten tisaen enges. Nirmu lintei mun tounah keil koa amoul en out netan suval koa namumoni ekek.
22“Navat kati keke:
Kosa hetakol keite ten out netan, avong ten tounah vasi hemai hekistal:
avong taluhluhien ka avong tasuhutien,
avong ten anni ka avong out hetin,
avong ten ous ka avong ten annimes.
Ka meneai keilu vongien luhemai lises ka lisenges.”
Copyright information for
PMA